Бурханы шашны портал

  • Хамаг амьтан орчлонгийн хуулийг танин мэдэж, зовлон бүхний ёзоор болсон мунхаг сэтгэлээсээ хагацах болтугай.

Ном / Ухаарахуй шүлгийн цомгоос /

Ном нь мэдлэг бус зам мөр
Ном гэдэг мэдээлэл бус ухаарлын толь
Ном бол мэдлэг ухаан төдий бус билиг ухаан
Ном гэдэг танин мэдэхүй бус гэгээрлийн түлхүүр

Ном нь айлын чимэг, тавиурын гоёо биш
Ном бол оюуны хэрэгцээ, тархины тэжээл
Ном нь ашгийн төлөө, алдрын тусад бус
Ном гэдэг амьтны тусад, амьдралын төлөө зорилготой

Ном зохиогдож, хэвлэгдэх нь гол биш
Ном тараагдаж, урагдталаа уншигдах нь чухал
Номын зорилго нь тархыг хогийн сав болгоход бус
Номын агуулга нь сэтгэлийг ариусган гэгээрүүлэх увдистай

Ном ертөнцийг харах цонх төдий бус
Ном амьдралыг таних үүд
Хорвоог ухаарах билиг ухаан
Хүмүүнийг өөрчлөх зам мөр болох учиртай

Ө.Батболд

    Бусад мэдээлэл