Бурханы шашны портал

  • Хамаг амьтан орчлонгийн хуулийг танин мэдэж, зовлон бүхний ёзоор болсон мунхаг сэтгэлээсээ хагацах болтугай.

Бурхан багшийн сургаалын цоморлог буюу дхармападагаас

• “ Тэр доромжилсон намайг, тэр цохисон намайг, тэр намайг давчихлаа, тэр намайг хоосрууллаа”. Ийм бодол агуулан хадгалж буй хүмүүс үзэн ядахаа зогсоож чадахгүй. Учир нь, энэ ертөнцөд ядалтыг үзэн ядалтаар хэзээ ч үзэн зогсоож байсангүй, үзэн ядалтыг үгүй болгосноор л түүнийг зогсоож болно. Энэ бол мөнхийн дхарма.
• Зугаа цэнгэлд умбаж, мэдрэмжүүдээ хазаарлаж чадахгүй, уух идэхдээ хэмжээгүй, залхуу, шийдмэг бус - ийм л хүнийг, өмхөрсөн модыг хар салхи унагадагтай адил Мара нураадаг.
• Дээвэр нь муудсан байшинд борооны дусаал дусахтай адил муу хөгжүүлсэн ухаанд шунахайрал нэвчдэг.
• Бодолтой, төв байх нь – үхэшгүй мөнхөд хүрэх зам. Ухаантай хүмүүс үхдэггүй. Хөнгөн хийсвэр хүмүүс л талийгаачтай адил. Үүнийг сайн ойлгодог тул мэргэд – бодолтой төв байдаг. Эндээсээ тэд баяр баясгаланг утгадаг. Буянтай үйлийн тариаландаа тэд баясдаг.
• Мунхаг бүдүүлгүүд, тэнэг хүмүүс хөнгөн хийсвэр байдаг.
• Мэргэн хүн эрдэнэ мэт бодолтой, төв байдлаа хадгалдаг.
• Хөнгөн хийсвэр зангаас зугтааж, зугаа цэнгэл, шунал тачаалаас хол явагтун, учир нь зөвхөн бодолтой, төв хүн аугаа аз жаргалд хүрдэг.
• Дэрвэлзэн чичрэх, амархан хөндөгдөх, барихад хэцүү бодлыг мэргэн харваач сумаа чиглүүлдэг лугаа адил чиглүүлдэг.
• Арайхийн баригдаж буй, хөнгөн, хаа тааралдсан газраа бүдрэгч бодлыг нотолж авах нь сайн үйл. Нотлогдсон бодол аз жаргалд хүргэнэ.
• Хөөрхий , хэнд ч хэрэггүй , мэдрэмжгүй, ашиггүй энэ бие газар дээр удаан амьдрахгүй.
• Өөрийн биш үгийг хичнээн сайн хэлэвч үнэргүй боловч аятайхан өнгө бүхий, сайхан цэцэг лугаа адилхан үргүй.
• Цэцэгсийн үнэр салхи сөрөн тархдаггүй: зандангийнх ч, мэлрэгийнх ч тэр. Харин сайн үйлстний үнэр салхи сөрөөд ч тархана. Сайн хүн газар бүр нэвтэрнэ.
• Аялж буй хүн өөртэйгээ адил буюу өөрөөсөө илүү ухаалаг хүнтэй таарахгүй бол ганцаардалдаа дасдаг: тэнэг хүнтэй нөхөрлөл байдаггүй.
• Мунхаг гэдгээ мэддэг тэнэг түүгээрээ цэцэн, харин өөрийгөө цэцэн хэмээн сэтгэгч жинхэнэ тэнэг мөн.
• Гашуун үр авчрах муу үйл хийснээр тэнэгүүд ухаангүй. Ухаангүй тул өөрсдийгөө дасан шигээ л хорлодог.
• Аз дутан мунхаг хүн мэдлэг эзэмших бол мэдлэг түүний азын шоо мэт толгойг эргүүлэн устгадаг.
• Дутагдлыг чинь хэлж, шүүмжилж байгаа цэцэн хүнтэй таарсан хүн түүнийг эрдэнэсийн сан зааж өгч буй мэт санагтун. Тийм хүнийг дагасан хүнд сайн юм болно уу гэхээс биш, муу юм болохгүй.
• Муу хүнтэй, дорд хүнтэй хэн ч бүү холбогд. Сайн, буянтай хүмүүстэй дотносон нөхөрлө.
• Суваг татагчид усыг урсгадаг, харваачид сумаа чиглүүлдэг, мужаан хүн модыг санаснаараа зордог, харин мэргэд өөрийгөө номхотгодог.
• Бат бэх хадан хясааг салхи хөдөлгөж чадахгүйтэй адил мэргэд хараал, магтаалын алинд ч хувирашгүй.
• Хүмүүсээс цөөхөн нь нөгөө талын эрэгт хүрдэг. Бусад нь эрэг дээрээ л тонгочиж байдаг.
• Сонсоод тайвшрах, ашигтай ганц үг нь мянган утга учиргүй үгсээс илүү жинтэй.
• Нэгэн хүн тулаанд мянган хүнийг мянгантаа ялсан бол харин нөгөө нэг нь ганцхан өөрөийгөө ялжээ. Тэгвэл өөрийгөө ялсан хүн нь аугаа ялагч мөн ажгуу.
• Өөрийгөө байнга хянан хязгаарлаж, өөрийгөө номхруулсан хүнд бусдыг ялахаас өөрийгөө ялан гарахыг илүүтэйд үзнэ. Настайчуудыг хүндэтгэн асардаг хүнд амьдрал, гоо сайхан, аз жаргал, хүч чадал гэсэн дөрвөн дхарма заяадаг.
• Өөрийгөө гүнзгийрүүлэн хөгжүүлэгч, буянт хүний амьдралын нэгэн өдөр нь нүгэлтэй хүний зуун жилийн амьдралтай эн тэнцдэг.
• Сайн үйл үйлдэхэд тэр яарах болтугай, муу юмнаас оюун ухаанаа хамгаалах болтугай. Учир нь сайн үйлийг бүтээхээр яардаггүй хүний оюун ухаан муу үйлээс ханамж авдаг.
• Муу үйл үйлдсэн хүн дахин дахин бүү үйлдэг, муу үйлд хүсэл зоригоо бүү зориулаг. Муу үйл хуралдваас зовлон болъю.
• “Тэр надад ирэхгүй” гэж зовлонгийн мухай хөнгөнөөр бүү бодогтун. Дусал дуслаар хурсаар ваар сав усаар дүүрдэгийн адил мунхаг хүн бага багаар хураасаар муу үйлээр дүүрдэг.
• Хэрвээ гартаа шархгүй бол хор бариад ч явж болно. Шархгүй тул хор гай болохгүй. Үүн лугаа адилмуу үйл хийдэггүй хүн гай зовлонд өртөхгүй.
• Газар дээр ч, далайд ч, уулын завсар ч, энэ хөрст дээр хаана ч амьдрагчийг үхэл гүйцэхгүй газар гэж үгүй.
• Шийтгэлийн өмнө бүнд чичирч, шхлээс бүгд айдаг, тэгвэл бусдын оронд өөрийгөө тавиад үзэгтүн.бусдын амийг тасалж болохгүй, таслахыг ч шахан шаардаж болохгүй.
• Өөртөө жаргал хайж яваад, жаргалыг адилхан хүсч явсан амьтдыг шийтгэсэн хүн үхсэнийхээ дараа ч амар амгаланг олохгүй.
• Шилбүүрдэн тууж үхрээ бэлчээх малчин лугаа адил үхэл, хөгшрөлт хоёр амьтай бүхнийг туудаг.
• Мэдэх чадахаар маруухан хүн хайнагийн шар шиг өтөлдөг, булчин шөрмөс нь нэмэгдэвч ухаан санаа нь хэвээрээ.
• Өөрөө өөртөө хортой үйлийг үйлдэхэд хялбар. Харин ач тустай хэрэгтэй үйлийг үйлдэхэд тун амаргүй.
• Үйлдсэн муу үйлээ сайн үйлээр арилжин аврагч нь энэ хорвоог үүлэн чөлөөн дөх наран адил гийгүүлнэ.
• Харамч хүн бурхадын орронд морилж чадахгүй,харин мунхагууд бусдад өгсөнөө мартдаггүй. Ухаант хүн бусдад өгөөд баясдаг, учир нь үүнийхээ үрээр тэр аз жаргалыг мэдэрдэг.
• Муу үйл үйлдэхгүй байх, сайн сайханд тэмүүлэх, оюун ухаанаа ариусгах нь гэгээрэгсдийн сургаал мөн.
• Алтан зоосоор бороо орсон ч шунал хүсэл ханахгүй. Шунал өвчин ихтэй байгаад түүнээс хүртэх баяр баясгалан нь бага гэдгийг мэдэгч нь цэцэн хүн мөн.
• Үхлээс эмээж шаналсан хүмүүс хорогдох газар хайдаг: ууланд, ой модонд, төгөл дэх моднуудад, булш бунханд.
• Буянтай сайн хүнийг олоход хэцүү: тэр газар болгонд төрдөггүй. Гэвч тэр цэцэн хүн хаана төрнө, тэнд аз жаргалтай удам цэцэглэнэ.
• Ялалт үзэн ядалтыг төрүүлдэг, ялагдсан хүн гунигтай амьдардаг. Ялалт бол ялагдлаас татгалзсан /тайван/ амирлангуй хүн жаргалтай.
• Буянтай тэнгэрлэг хүмүүсийг харахад ч таатай, тэдэнтэй хамт айх нь аз завшаан. Мунхаг тэнэгүүдийг хардаггүй хүн үргэлж жаргалтай байх болтугай.
• Дэмий сэлгүүцэхэд амьдралаа зориулж, гэгээрч боловсрохыг чармайгаагүй, зорилгоо умартан, зугаа уэнгэл хөөгч нь төгс гэгээрэхүйн төлөө өөрийгөө боловсруулагчид атаархдаг.
• Тэр уур хилэнгээ ууч хүлээутэй зангаар, мууг сайнаар, харамын сэтгэлийг өгөөмөр сэтгэлээр, худал хуурмагийг шударга үнэнээр номхруулдаг.
• Үнэнийг ярь, уур хилэнд бүү авт, чамаас бага атугай зүйлийг гуйвал өг. Энэ гурван болзлын тусламжтайгаар бурхдад ойртож болно.
• Зөвхөн магтаалд буюу зөвхөн шүүмжлэлдтохирсон хүн гэж байгаагүй, байхгүй, бий болох ч үгүй.
• Мэргэн хүн бохир буртагаа аажимдаа, бага багаар, цаг цагаар гээх нь алт мөнгөний дархан мөнгийг аажим халаан цэвэршүүлэхтэй л адил болой.
• Хэрээ мэт хэнэггүй, шазруун, хаширгаатай, бодлогогүй, эвдэрсэн хүнд амьдрах нь амархан. Гэвч төлөв даруу, цэвэр ариуныг хайгч, шуналгүй, илүү дутуу зангүй, алсын хараатай, амьдрал нь цэвэр ариун хүнд амьдрах хэцүү.
• Хүсэл тачаал лугаа адил ихгал гэж үгүй,
Уур хилэн шиг зангиралт гэж үгүй,
Хууран мэхлэх лугаа адил тор гэж үгүй,
Хүсэл шиг их мөрөн гэж үгүй

    Бусад мэдээлэл
    Бурхан багшийн сургаалын цоморлог буюу дхармападагаас
    2021-11-10