Бурханы шашны портал

Нэвтрэх | Бүртгүүлэх | Нууц үгээ мартсан

  • Хамаг амьтан орчлонгийн хуулийг танин мэдэж, зовлон бүхний ёзоор болсон мунхаг сэтгэлээсээ хагацах болтугай.

Хонхны дуу хаанаас гарч байна вэ?

Нэг өдөр сүмийн том хонх дүнгэнэн дуугарахад Будда Анандаас асуусан нь :
- Энэ хонхны дуу хаанаас гарч байна вэ?
- Хонхноос !
Будда хэлсэн нь :
- Хонх гэв үү ? Хонхонд хэл үгүй бол дуу нь чухам хаанаас сонсогдох болж байна вэ?
Ананд өөртөө : “ Хэл ., хэл ! “ гэж хурдан хэлснээ :
- Агааргүй орчинд хонхны дуу үл сонсогдох юм байна. Тийм байна ! Оллоо ! Дуу авиа агаараас сонсогдож байгаа юм байна гэв.
Будда хариуд нь :
- Агаараас гэв үү ? Гэвч чамд чих үгүй бол чи тэрхүү хонхны дуу авиаг сонсож үл чадна.
Ананд :
- Тийм байна, багшаа ! Би чихээрээ л түүнийг сонсож байгаа юм байна . Тэрхүү дуу авиа миний чихэнд сонсогдож байгаа юм байна !
Будда хэлсэн нь :
- Чиний чих гэв үү ? Хэрэв чамд ухамсар үгүй бол чи хонхны дуу авиаг хэрхэн ойлгож сонсох билээ?
Ананд :
- Тэгвэл миний ухамсар л дуу авиаг бүтээж байгаа ажээ хэмээн хэлэв.
Будда хэлсэн нь :
- Чиний ухамсар гэж үү ?
Тэгвэл Ананд минь ! чамд сэтгэл үгүй бол чи тэрхүү хонхны дуу авиаг хэрхэн сонсох болж байна вэ?

Бүх юмс сэтгэлээс л үүдэлтэй ажээ хэмээн Ананд хэлжээ.

Эх сурвалж: news.mn

    Бусад мэдээлэл