Баян боловч амттай хоол болгоныг шунан хайж бүү ид

Баян боловч амттай хоол болгоныг
Шунан хайж бүү ид
Аман дотор удаан тогтохгүй тэр
Ашиг тусаар бага болой

Саахар чихэр бурмыг
Сайн гэж бүү сэтгэ
Газарт нулимах шүлсэнд ч
Хор холилдсон байдаг биш үү

Цаг үргэлж шүлс цэрээ
Хоол унд шиг бүү залги
Үргэлж залгиваас өдөр бүр
Угаадасны хувингаар залгисан мэт болно

Мах өөхийг өдөр шөнөгүй
Араатан мэт бүү ид
Тэрхэн үедээ тамир оруулдаг ч
Тэр чинь хүнийг амархан хөгшрүүлдэг

Шингэн ундааны зүйлийг
Тулам дотор ус юүлэх мэт бүү уухтун
Бие чинь намгийн ногоо шиг тэлэвч
Бие чинь дорхноо өтөлж хөгширнө

Тунхуутай цай ундааг
Туламтай ус мэт бүү уугтун
Ходоодны галын элч доройтон
Бие түргэн хөгшрөх

Олдсон бүхнийг хөгшин нохой мэт
Шинжлэлгүй бүү ид
Амт хүчийг буруу найруулбаас
Эм хүртэл хор болно

Олон зүйлийн хоол хольж
Шинжлэлгүй бүү ид
Амт хүчийг буруу найруулбаас
Эм хүртэл хор болно